申涛 的个人主页 注册

【原创】申涛:耳光跟馄饨有啥搭界?

发表于2018年11月02号 11点 阅读 4128 评论8 点赞18举报文章 ©著作权归作者所有

        

    话说上海有一家不起眼的马路叫肇周路,肇周路上有一家老老小的馄饨店,招牌叫“耳光馄饨”。估计外地人看到迭块招牌会莫名其妙。哎!耳光是打人动作,馄饨是点心,两者浑身不搭界,哪能会结成亲家呢?是不是把馄饨做成脸的样子呢,还是把脸上的肉割下来包馄饨呢?莫不是梁山张清、孙二娘开的黑店?哈哈,伤不起,太搞笑了!

    现在回过头来先讲讲啥个叫“耳光”?“其实“耳光”两个字是勿上台面的,上海人是叫“面孔”的,北方人叫“脸”或叫“耳刮子”。“耳光”迭个词也不好单独派用场的,“耳光”是专门用来拨人家打的,只能搭“打”字配合起来用的。要是侬拍女朋友马屁,搭伊讲:“宝宝,侬迭只耳光交关漂亮!”耐末侬真要拨人家吃耳光了。

    讲起来或许侬会不相信,老早上海滩白相人杜月笙倒是拨人家吃过耳光的。杜月笙当初是个小瘪三,有一日,伊荡到十六铺码头附近,看见一爿馄饨摊,叫了一碗馄饨。吃完后一摸袋袋,啊哟,没得钱,就想赊账!

    老板一看,葛只小瘪三想吃白食,好个!上去就是一只大头耳光:“小赤佬,连一碗馄饨钞票都没得,侬好意思来我搿搭骗吃骗喝?”杜月笙摸着热辣辣的面孔,想了想,拿窜上来的火气压了下去,笑嘻嘻的讲了一句:“老板,你这碗馄饨,我先欠一欠,早晏有一天,我拿你这只摊头收下来,你就专门搭我做馄饨!”

    过了廿几年,杜月笙做大流氓了,寻到了还来勒十六铺摆馄饨摊的老头,当场摸出十只大洋拿馄饨摊买了下来,叫迭个馄饨摊老头开爿像像样样的馄饨店。迭个,就是上海滩“耳光馄饨”的来历。

    老上海人对于寻相骂打耳光是有独特理解的。一般来讲,要是两个人吵相骂,吵到光火了,最多会讲:“当心吃头搨!”“当心吃麻栗子!”再结棍点么就是“阿要弄顿生活吃吃?”至于动不动打人家耳光是不作兴的。

    列为看官也许要问了,为啥道理勿好随便打人家耳光?耐末我说书人要讲了,中国的传统风俗有种讲法,打耳光对人勿但是一种极大的侮辱,而且杀伤力相当厉害。因为这张面孔长在脑袋上,打得不巧会脑震荡,面孔上还会留下五条红杠杠,热辣辣痛得要命。所以上海人吵得再凶,一般不会出手打耳光。

    上海人真的要打人耳光,绝对不会勒起袖子管摆功架,青筋暴起,气势汹汹。而是会迷花眼笑,好声好气,轻轻叫问侬一声:“朋友,阿要拨侬两记耳光嗒嗒?”迭个“嗒嗒”两个字听起来绝对让侬上下通气,浑身舒畅。江南人过老酒吃小菜勿讲吃,讲嗒嗒味道,搿个是一种吴越地区老百姓吃东西的斯文相。要是侬听了这句噶客气的闲话以为对方蟹脚发软了,就掼榔头了:“哎,朋友,勿要缩脱,有本事对开!”耐末五根辣豁豁个“玫瑰豆沙条头糕”马上就粘到侬面孔上了!今朝我拿上海人真正光火的秘诀告诉各位看官,一旦碰到上海人吵到后来突然变得斜气客气,侬还是快点脚底搨油为妙。

    上海人还有句俗话,叫“打耳光勿肯放”。现在大家一定明白了,原来这种耳光馄饨实在太好吃了,即使耳光抽上来辣豁豁,面孔上肿起五条红杠杠,甚至嘴巴被打得七歪八千,照样拿馄饨吃得精光,还要喊:“再来一碗!”吃得嘴巴油光光,馋吐水嗒嗒滴!

 

                                      

 

点赞18 收藏 1 已推荐到 取消首页推荐
扫二维码分享
其他分享
  • 新浪微博

  • QQ空间

  • QQ好友

取消
等18人点赞

本文作者

加好友

8条评论

您需要登录后才能回复

登录立即注册

  • 乐学小院2018-11-04 15:35:04

    不过这家耳光馄饨其实和一般的馄饨差不多。

    回复0举报

  • 浦江之光2018-11-03 05:52:27

    喜欢分享老师的新作,赞![鼓掌][微笑]

    回复0举报

  • 黄新2018-11-02 20:26:01

    原来耳光是与馄饨搭界的。如此推论,似乎也可以与馒头搭界,与锅贴搭界,与小笼馒头搭界,与任何食材糕点菜肴搭界,是否也会出现耳光馒头,耳光锅贴,耳光小龙,耳光蒸糕,耳光烤鸭,耳光白斩鸡------说到底,也是店主博眼球罢了。中国文化不仅仅只可用“耳光”来发扬光大的。不过杜月笙与耳光馄饨的故事倒是第一次听说了。还有,东方卫视《疯狂的冰箱》节目把馄饨读成了“混沌”,看来还是先有些文化修养再开店的好。

    回复0举报

  • 华龙2222018-11-02 20:15:53

    看望国杰老师!

    回复0举报

  • 小弟来呐2018-11-02 16:09:49

    就是形容——@好吃得来,打耳光阿勿肯放——同样,还有@鲜得来眉毛落下来!

    回复0举报

  • 快乐不老翁2018-11-02 14:04:31

    熟悉上海话,开心吃馄饨。

    回复0举报

  • 立秋后2018-11-02 13:51:00

    好久没有看到老师的博文,很开心又能看又能吃”馄馄“。问问候老师,希望经常能看到老师的博文!

    回复0举报

  • 申涛2018-11-02 11:13:18

    各位老朋友,好久不见,向大家问好!

    回复0举报

请选择你想添加的收藏夹

新建收藏夹

收藏夹名称

©2017 老小孩网站版权所有 | 沪ICP备08012383号    举报电话:021-64323922