石腊红 的个人主页 注册

【原创】“大怪路子”好白相(沪语版)

发表于2018年10月30号 14点 阅读 7495 评论11 点赞16举报文章 ©著作权归作者所有

 

 

“大怪路子”好白相(沪语版)

 

    退管会搞“大怪路子”比赛。交关日吉不白相了,头目啥呃也不稀奇,主要还是去轧个闹猛,介介恹气,图个开心,就报名参加了。今朝去了,一看,喔哟,交交关人,才是老头子、老太婆,白头发呃人佬多。有呃认得,交关不认得,房间里的气氛佬浓。

    先抽签分台子,阿拉去了三呃人,为一个团队,抽到10号。比赛开始,三只房间,满满才是呃人。事先也呒没操练过,平常又不打,心里厢想,打打白相相,早点输脱早点回去,阁佬鞋呒没啥负担,佬轻松就打起来了。

 

 

 

    “大怪路子”跟“争上游”差不多。鞋里一方只要有一个人,牌全部出光,迭个组就赢了。反过来捉牢一个,就是牌呒没出光就输脱。有呃来进贡,就是输脱呃人,拿自家其中最大牌,如大小佰搭、将牌,拣最大一张捌赢呃人。有呃来积分,捉牢几个赢几分,最后积分多呃赢。阿拉呃趟比赛讲积分,打四幅牌定局,以积分多呃取胜,赢的再进入下一轮。

    “大怪路子”里有只头、对头、三只头、垃圾、同花、拖(炸弹)、五只头,打起来只能只头对只头,对头比对头,五只头对五只头。大小怪好搭扼,百搭就是迭能叫出来呃。

    侬不要觉着迭个只是白相,里厢巧门多了。讲百侬听,迭呃里厢还有正能量。

    巧门譬如讲:抢龙头,扳龙头,蓬蓬松,撬路子,抬抬高,高脚过桥,拆腔篱笆,放码头,吹风,将牌、二王、三王、大怪路子等,不摊开讲了,不然太嗦。还要看对方、朋友出啥呃牌,然后分折,是朋友呃要顺牢伊出,是对方要反过来出。最主要是路子要清爽,迭个就叫大怪路子。

    还是讲讲正能量有点用。有五点。头一,要讲配合,要有团队精神。不好各管各。朋友在抢头目,进攻,你要配合,增援。不好只管自家,拿牌比大小,甚至抢打,要么你鞋有把握抢头目。总呃,抢头目、搞配合要讲默切,轧苗头,不好讲呃,否则是赖壳皮。第二,要讲牺牲精神。朋友在扳龙头、抢头目,哪怕自家输脱,拿牌拆开、拆乱,拼了命要帮伊。朋友关牢,你随便哪能要放伊。假如呒没这点肚量,呃牌打不赢。第三,要讲优化组合。27张牌发了手里,有辰光不整佬散呃,侬要拼,如拼垃圾,拼同花,尽量弄了整齐,打起来辰光,“老弱病残好少一点”,好呃带差呃。第四,要讲心态好。朋友出错牌不好责怪,甚至骂伊,弄了不开心。输脱了鞋不要急吼吼,下一幅再来。第五,蛮重要呃,就是讲路子要清爽。搞清爽东南西北。迭个跟做人做事道理一样。做事体,侬要先弄弄清爽,不好眉毛胡子一把抓。做人路子清爽,不好看错人头,好人、坏人分不清,结果苦头吃煞。

    “大怪路子”来的是路子。五分牌运,五分打法。路子不清,一幅好牌打成烂牌。路子清爽,不好牌有辰光鞋能打赢,就是输脱鞋服贴。不然,人家讲侬是“野路子”、“臭路子”。

    阿拉一组输脱了,结束。赢呃还打下去。输脱鞋蛮开心,这种排场看看牢有劲,加雪多才一样年纪人在一道,象回到年纪轻呃辰光。今朝是比赛,才蛮有腔调,要是平常日吉,像小囡一样,打“大怪路子”不吵才怪。

    想想打牌里厢鞋有道理,晓得迭些,一生一世,随便鞋里才有用。

 

 

 

 

 

 

信纸作者:铃儿

点赞16 收藏 0 已推荐到 取消首页推荐
扫二维码分享
其他分享
  • 新浪微博

  • QQ空间

  • QQ好友

取消
等16人点赞

本文作者

加好友

11条评论

您需要登录后才能回复

登录立即注册

请选择你想添加的收藏夹

新建收藏夹

收藏夹名称

©2017 老小孩网站版权所有 | 沪ICP备08012383号    举报电话:021-64323922